Telkom se ADSL is die beste

[beesboertjie]

Haai Acros, ek dink mens kan die lengte van jou koperdraad uitwerk met jou router. Ek’t hierdie grafiek saamgestel. As jy weet wat jou attenuation is, dan weet jy hoe ver jy van die sentrale af is. Of in jou geval, die Telkom ruilpunt. Ek neem aan daar's optiese vesel vanaf die ruilpunt verder.

Attenuation is die vermindering in seinsterkte op jou telefoonlyn. Die kundiges sê attenuation is normaalweg direk eweredig aan die lengte van jou koperdraad.

1,0 km = 13,8 dB
1,5 km = 20,7 dB
2,0 km = 27,6 dB
2,5 km = 34,5 dB
3,0 km = 41,4 dB
3,5 km = 48,3 dB
4,0 km = 56,0 dB
4,5 km = 62,1 dB
5,0 km = 69,0 dB
> 5,0 km (jammer vir jou)

My router sê my attenuation is 11 dB. Volgens hierdie tabel is ek minder as ‘n kilometer van die sentrale af. Pro rata is 11 dB gelyk aan 800 meter. Ek sê altyd 500 meter, dis padlangs. Maar ek weet my telefoondraad loop eers twee of drie strate verkeerde kant toe, weg van die sentrale af. 800 meter klink heel moontlik. Ek't 'n 4 mbps ADSL lyn, my werklike spoed is 3,4 mbps.

https://www.naschenweng.info/2008/10/16/adsl-significance-of-snr-and-attenuation/

 

[Gravedigger]

Haai Ruhan. Ja-nee, vir ADSL dink ek Telkom is die beste ISP (Internet Service Provider). Die goedkoopste. Ek’t aan ander ISP’s ook geskryf, sommiges doen net optiese vesel, ander doen nie besigheid hier in die platteland nie, en party antwoord nie.

My siening is, dis Telkom se ADSL. Dis Telkom se telefoonlyn en Telkom se sentrale. En Telkom se mikrogolf en seker ook optiese vesel van daaraf verder. Ander ISP’s moet dit by Telkom huur en aan jou uithuur. Ek kan nie sien dat ‘n ander ISP ‘n beter diens kan lewer as Telkom nie.

Dis baie goed dat daar privaat kompetisie is met optiese vesel. Telkom moenie ‘n monopolie hê nie.

Haha. Ja nee... Ek wil juis jou gevra het, my pa het sy besigheid begin, maar het klaar 'n kantoor waar alles gaan gebeur, maar die ding is, hulle het 'n telefoonlyn nodig saam met die ADSL pakket. Die koperlyn is klaar daar in die kantoor, moet nog net geaktiveer word. Die lynhuur is so te sê R200, en hoe gaan ek/hy om' n Telkom adsl pakket te kry? Ek dink dalk 2mb met so 5-10GB 'n maand?

Dink jy dis genoeg? Of biki meer? Die plan is net om mails te stuur, en nou en dan te google vir pryse, ens.

Ons het het nog nooit eintlik telkom internet gehad nie, het maar destyds op mobile data gegaan, en toe WISP.

Hoe gaan ons te werk as ons 'n pakket sien waarvan ons hou, en dit wil kry? Die telkom website is juis biki vaag sover ek gekyk het, om hoe die pakket te kry op jou lyn ens... Moet ons hulle bel, email of hoe? Eks juis nie touwys op dit nie. Die belangrikste is die lyn aktivering, en 'n telefoon nommer kry, sodat hulle kan begin bel.

 

[Slootvreter]

Haha. Ja nee... Ek wil juis jou gevra het, my pa het sy besigheid begin, maar het klaar 'n kantoor waar alles gaan gebeur, maar die ding is, hulle het 'n telefoonlyn nodig saam met die ADSL pakket. Die koperlyn is klaar daar in die kantoor, moet nog net geaktiveer word. Die lynhuur is so te sê R200, en hoe gaan ek/hy om' n Telkom adsl pakket te kry? Ek dink dalk 2mb met so 5-10GB 'n maand?

Dink jy dis genoeg? Of biki meer? Die plan is net om mails te stuur, en nou en dan te google vir pryse, ens.

Ons het het nog nooit eintlik telkom internet gehad nie, het maar destyds op mobile data gegaan, en toe WISP.

Hoe gaan ons te werk as ons 'n pakket sien waarvan ons hou, en dit wil kry? Die telkom website is juis biki vaag sover ek gekyk het, om hoe die pakket te kry op jou lyn ens... Moet ons hulle bel, email of hoe? Eks juis nie touwys op dit nie. Die belangrikste is die lyn aktivering, en 'n telefoon nommer kry, sodat hulle kan begin bel.

Moenie dit doen nie.

*bietjie

 

[beesboertjie]

Haai Ruhan. Ek dink Telkom se “do Basic” plan is vir julle. Dit kos R409, insluitend die telefoon lynhuur van R199 per maand, BTW ingesluit. Dit sluit ook die ADSL lynhuur in (binne-in die telefoonlyn). Ek dink die installasiekoste is R792.

https://secure.telkom.co.za/today/shop/home/plan/do-basic-v-plan/

Kliek sommer op die “apply now” button, ek kyk wat gebeur.

 

[Gravedigger]

View attachment 450028

Haai Ruhan. Ek dink Telkom se “do Basic” plan is vir julle. Dit kos R409, insluitend die telefoon lynhuur van R199 per maand, BTW ingesluit. Ek dink die installasiekoste is R792.

https://secure.telkom.co.za/today/shop/home/plan/do-basic-v-plan/

Kliek sommer op die “apply now” button, ek kyk wat gebeur.

Dankie, ek dink daai voorstel van jou kan werk...

 

[beesboertjie]

Haai Ruhan. Ek sien axxess se advertensie op hierdie blad. Ek’t gaan kyk na hulle 2 mbps ADSL. Dis R414 ‘n maand en jy moet jou eie router koop, sê so ekstra R800. Telkom se “do Basic” kos R409 en jy kry ‘n router gratis en verniet.

Telkom is R5 ‘n maand goedkoper, maar daar’s ‘n groot verskil. Telkom het ‘n 20 GB cap, axxess is uncapped. Vir my maak dit nie saak nie, ek gebruik Telkom se gratis Night Owl wat uncapped is.

 

[Gravedigger]

Hallo, daai 20GB van Telkom is meer as genoeg. R400 pm is nogal 'n deal breaker, want jy kry verniet data van 12 tot 7...

 

[beesboertjie]

Facebook se nuwe data sentrum in Zimbabwe.

 

[beesboertjie]

Haai Ruhan, ek’t vandag gekyk na Webafrica se 2 mbps 20 GB ADSL. Dis R16 ‘n maand goedkoper as Telkom, maar jy moet jou eie router koop, hulle het een vir R500. Dit maak Webafrica duurder as Telkom.

Webafrica het ook ‘n nagUil nes Telkom, gratis data ná middernag.



Webafrica 2 mbps 20 GB ADSL … R393 per maand (R199 + R165 + R29)
https://www.webafrica.co.za/home/adsl/

Telkom se “do Basic” 2 mbps 20 GB ADSL … R409 per maand BTW ingesluit.
https://secure.telkom.co.za/today/shop/home/plan/do-basic-v-plan/

 

[EasyUp Web Hosting]

Hoekom gebruik jy nog internet explorer? :-O

 

[beesboertjie]

Hoekom gebruik jy nog internet explorer? :-O

My Gonna Piet, Superman Grootmeester HaaiAas, hoe weet jy dit? Jy't x-straal oë soos Superman. Ek gebruik Internet Explorer want ek't 'n nuttige toepassing FreeCorder Video wat net op Explorer werk. FCVideo is seker 10 jaar oud, dit vang omtrent enige video op. Dit werk nie met Google Chrome nie.

Dit het my 'n dag en 'n nag gevat om uit te werk, hoe jy sien ek's op Internet Explorer. Jy't dit op die screenshot van my router gesien. Moet sê, jy's baie oplettend. Ja, Explorer lyk so ...



Ek soek nie Google Chrome nie, Internet Explorer werk. As 'n ding nie stukkend is nie, moet dit nie regmaak nie.

 

[beesboertjie]

Internet café in Nairobi Kenya

 

[beesboertjie]

1980's internet spoed 8 kmph

 

[Acros]

Maar julle was omtrent besig.

Mag ek vra hoeveel antennaes het jou router? 1 antennae is 150mbps(teoreties), 2 is 300mbps, en dan 3 is 450mbps...ens... Ek glo nie QoS is op 150mbps router nie, hang ook af van jou netwerk congestion, en wie wat aflaai...

Jis Ruhan. Hy het twee antennaes. Die uitleg lyk redelik presies soos die:
https://www.thinkbroadband.com/images/reviews/asus-dsl-n55u/asus-dsl-n55u-qos.jpg

Haai Acros, ek dink mens kan die lengte van jou koperdraad uitwerk met jou router. Ek’t hierdie grafiek saamgestel. As jy weet wat jou attenuation is, dan weet jy hoe ver jy van die sentrale af is. Of in jou geval, die Telkom ruilpunt. Ek neem aan daar's optiese vesel vanaf die ruilpunt verder.

Interessant Beesboer. Die ding is ek wil nie regtig weet hoe lank my koperdraad is nie. Daar is nie veel wat ek daaraan kan doen nie. Indien ek weet dan gaan ek net die afstand vloek indien die konneksie val.

Elkgeval ek het'n maand deurgemaak met Telkom. My eerste rekening is natuurlike effens hoer met so R238.60 meer as wat ek moet betaal vir sekere redes.

Ek het darm die eerste maand so 135GB gebruik en die lyn is dieselfde as wat dit was aan die begin van die maand.

 

[Elax]

My Telkom telefoon lyn is ‘n 4 mbps data lyn. Dit help nie ek kry ‘n 10 mbps pakket nie, my koperdraad kan net 4 mbps hanteer. Ek’t nie fibre optics nie. Graskop sal seker nooit fibre kry nie, hulle grou nog slote in Johannesburg, Kaapstad en Centurion.

Telkom wil nie eers vir my koper insit nie. Raak te veel gesteel, en ek is net so 13km van Pretoria Sentraal af... Op 'n plot so digtheid is heeltemal te min vir fibre

 

[beesboertjie]

Elkgeval ek het'n maand deurgemaak met Telkom. My eerste rekening is natuurlike effens hoer met so R238.60 meer as wat ek moet betaal vir sekere redes. Ek het darm die eerste maand so 135GB gebruik en die lyn is dieselfde as wat dit was aan die begin van die maand.

Haai Acros. Dis goed om weer van jou te hoor. Alles klink goed. Ek skat die R238,60 is ‘n pro-rata gedeelte, vir die aantal dae voor jou maand begin. Telkom werk nie op kalendermaand nie, my rekening is vanaf die 12de dag van elke maand. Kyk op bladsy 2 van die rekening, jou periodes word daar aangedui.

 

[beesboertjie]

Telkom wil nie eers vir my koper insit nie. Raak te veel gesteel, en ek is net so 13km van Pretoria Sentraal af... Op 'n plot so digtheid is heeltemal te min vir fibre

Haai Elax, internet bly maar ‘n probleem as mens op ‘n plot of ‘n plaas bly. Vra my, ek weet. 13 km is in elk geval te ver vir ADSL, dit werk net vir maksimum 5 km vanaf die sentrale af. Hier in Graskop werk dit net vir 3 km, eintlik moet mens nie verder as 2 km bly nie. Hoe verder jy bly, hoe stadiger is jou internet. Die weerstand in die koperdraad maak die elektriese sein dood. Sterkte.

 

[Acros]

Haai Elax, internet bly maar ‘n probleem as mens op ‘n plot of ‘n plaas bly. Vra my, ek weet. 13 km is in elk geval te ver vir ADSL, dit werk net vir maksimum 5 km vanaf die sentrale af. Hier in Graskop werk dit net vir 3 km, eintlik moet mens nie verder as 2 km bly nie. Hoe verder jy bly, hoe stadiger is jou internet. Die weerstand in die koperdraad maak die elektriese sein dood. Sterkte.

Toe ek nog op die plaas gebly het was daar geen nood vir internet nie. Hulle wou nie eers elektrisiteit na ons plaas toe aanlê nie wat nog te se van koperdraad. :crylaugh:. Elkgeval as ek kyk hoe baie DDS (DIY) boeke my pa gehad het kan ek glo hy sou nie omgegee het vir internet nie. Deesdae kan jy enige iets jouself leer doen op die internet.

 

[infscrtyrisk]

Hallo almal op hierdie garing. Ek hoop dat dit met julle goed gaan. Ek is van Johannesburg, en ek is bly om met julle Afrikaans te kan praat, deesdae hoor mens die taal maar min, en 'n mens verloor die vermoe om dit te gebruik. Die laaste tyd wat ek mense gehoor Afrikaans praat was ses maande gelede, en dan nie eens in Suid Afrika nie, dit was in Doebaai. Doebaai is ses duisend vier honderd kilometer van Johannesburg, maar mens vlieg deesdae soontoe in net 'n bietjie meer as agt ure. Maar 'n internet pakkie gaan soontoe en terug in omtrent 40ms op my 4 Mbps ADSL.

Ek het so 'n paar blaaie terug gelees, mense het so gepraat van 'n "firewall". Ek wou net se, die suiwere Afrikaanse woord vir 'n "firewall" is 'n netskans.

Groetnis vir almal.

 

[beesboertjie]