Sign up with Google
- Joined
- Oct 7, 2008
- Messages
- 1,199
TheFox, ons is nie bedreig deur wugs wat weet wat hulle doen nie.
Ons wug nie en wugs verskaf nie internet nie. Ons kan mos in vrede saamleef.
Ongelukkig is daar baie mense is wat hulle eie klein wugs het en wat nie lede is van CTWUG of van die ander wugs wil wees nie. Daar kan baie redes hiervoor wees. P2P, internetverskaffing, games, wie weet. Ander man se boeke is duister. Die probleem is natuurlik dat hulle, hulle eie ding in 'n area doen waar 'n bietjie kennis baie gevaarlik is.
Ek bestuur Cape Connect se netwerk en ek kan jou nou sê dat ons nog nooit swaarde met CTWUG gekruis het nie. Ons het genoeg vyande in die bedryf dat as daar maar een van ons radios "ge-amp" was, sou iemand lankal na die owerhede gehardloop het om ons te laat toemaak. Verlede jaar het een van ons kompetisie een van ons high sites beroof en toe probeer afbrand. Toe dit nie werk nie, bel hulle die owerhede en sê vir hulle die toring is onwetting. Toe dit nie werk nie, bel hulle Natuurbewaring en vra of ons 'n omgewingsimpakstudie gedoen het voor ons die toring gebou het. Ek kan aangaan...maar ons het almal werk om te doen.
Terwyl ek hier sit en tik, is daar iemand wat 'n ge-ampte sein met ESSID TheWebKya direk na ons Helderberg toring mik. Een van ons radios kry maar iets soos 15% throughput. Ons skuif frekwensie, TheWebKya volg ons. Ek het eenvoudig nie die tyd om met die spekkie rond te ry totdat ek die ou opgespoor het nie. In elk geval, wat kan ek doen as ek voor sy deur staan? Die wet van die land beskerm ons nie. Maak nie saak hoeveel geld ons aan die owerhede vir verskillende lisensies betaal nie.
Maar, noudat ek daaraan dink, toe julle Triton opgerig het, was een frekwensie slap bang op dieselde frekwensie as een van ons bestaande backbones - met die gepaardgaande dataverlies vir ons. Ons het eenvoudig ons frekwensie geskuif. Soos ek sê ek het nie issues met wugs wat reg bedryf word nie.
Ons netwerk is ons bron van inkomste. Alles moet reg werk - die eerste keer. Ek het nie gister hierdie bedryf gister betree nie. Toe Reuters in 1998 42 banke met wireless aan mekaar wou koppel, was ek die ou wat dit gedoen het.
Ek verstaan ook jou frustrasie met sekere wisps en highsites. Daar is soveel goed wat baie van hulle doen wat eenvoudig nie reg is nie. Ongelukkig het ek nie heel middag tyd om te sit en voorbeelde te gee nie, maar ek dink daar is drie van ons in die bedryf wat tersiëre kwalifikasies in rekenaarwetenskap, ingenieurswese of telekommunikasie het. Ons weet almal daar is meer as drie wisps in die Kaap. Sovêr ek weet, is ek al "wisp mens" in die Kaap wat 'n Professionele lid van die Rekenaarvereniging van Suid Afrika is.
Ek hoor wat jy sê oor gametime, maar wat ons hier sien is die ouens (ek wil hulle amper roofwugs noem) wat hulle goed aansit, groot lêers oorskuif en dan weer afsit. Dis so half en half asof hulle bang is dat hulle uitgevang gaan word. En dit is wat ek vermoed besig is om Oupa se sein te bevark.
Die wifi en die radar is interessant. Dit is die eerste keer deur Normis by MikroTik tot my aandag gebring. Ons het 'n link gehad op 5720 MHz wat 90%+ was in een rigting en 60% was in die ander rigting. Ons het gescan en gesnoop tot ons moeg was, maar kon geen verkeer op die frekwensie kry nie. Die seinverlies maak mos nie sin nie. Ek het my buddie Johan van Omnicon gevra om te kom kyk. Hy was gelukkig met my werk, "earthing" en al daai lekker dinge, maar die sein was nog steeds nie reg nie. Ons kon eenvoudig nie die probleem identifiseer nie en stuur toe "supout" lêers na MikroTik toe. Hulle het toe teruggekom met radar interferensie as 'n waarskynlike rede. Die ouens weet meer van hulle produk as ek, so as hulle vir my sê dat radar met my toerusting mors, gaan ek nie met hulle stry nie.
Ons wug nie en wugs verskaf nie internet nie. Ons kan mos in vrede saamleef.
Ongelukkig is daar baie mense is wat hulle eie klein wugs het en wat nie lede is van CTWUG of van die ander wugs wil wees nie. Daar kan baie redes hiervoor wees. P2P, internetverskaffing, games, wie weet. Ander man se boeke is duister. Die probleem is natuurlik dat hulle, hulle eie ding in 'n area doen waar 'n bietjie kennis baie gevaarlik is.
Ek bestuur Cape Connect se netwerk en ek kan jou nou sê dat ons nog nooit swaarde met CTWUG gekruis het nie. Ons het genoeg vyande in die bedryf dat as daar maar een van ons radios "ge-amp" was, sou iemand lankal na die owerhede gehardloop het om ons te laat toemaak. Verlede jaar het een van ons kompetisie een van ons high sites beroof en toe probeer afbrand. Toe dit nie werk nie, bel hulle die owerhede en sê vir hulle die toring is onwetting. Toe dit nie werk nie, bel hulle Natuurbewaring en vra of ons 'n omgewingsimpakstudie gedoen het voor ons die toring gebou het. Ek kan aangaan...maar ons het almal werk om te doen.
Terwyl ek hier sit en tik, is daar iemand wat 'n ge-ampte sein met ESSID TheWebKya direk na ons Helderberg toring mik. Een van ons radios kry maar iets soos 15% throughput. Ons skuif frekwensie, TheWebKya volg ons. Ek het eenvoudig nie die tyd om met die spekkie rond te ry totdat ek die ou opgespoor het nie. In elk geval, wat kan ek doen as ek voor sy deur staan? Die wet van die land beskerm ons nie. Maak nie saak hoeveel geld ons aan die owerhede vir verskillende lisensies betaal nie.
Maar, noudat ek daaraan dink, toe julle Triton opgerig het, was een frekwensie slap bang op dieselde frekwensie as een van ons bestaande backbones - met die gepaardgaande dataverlies vir ons. Ons het eenvoudig ons frekwensie geskuif. Soos ek sê ek het nie issues met wugs wat reg bedryf word nie.
Ons netwerk is ons bron van inkomste. Alles moet reg werk - die eerste keer. Ek het nie gister hierdie bedryf gister betree nie. Toe Reuters in 1998 42 banke met wireless aan mekaar wou koppel, was ek die ou wat dit gedoen het.
Ek verstaan ook jou frustrasie met sekere wisps en highsites. Daar is soveel goed wat baie van hulle doen wat eenvoudig nie reg is nie. Ongelukkig het ek nie heel middag tyd om te sit en voorbeelde te gee nie, maar ek dink daar is drie van ons in die bedryf wat tersiëre kwalifikasies in rekenaarwetenskap, ingenieurswese of telekommunikasie het. Ons weet almal daar is meer as drie wisps in die Kaap. Sovêr ek weet, is ek al "wisp mens" in die Kaap wat 'n Professionele lid van die Rekenaarvereniging van Suid Afrika is.
Ek hoor wat jy sê oor gametime, maar wat ons hier sien is die ouens (ek wil hulle amper roofwugs noem) wat hulle goed aansit, groot lêers oorskuif en dan weer afsit. Dis so half en half asof hulle bang is dat hulle uitgevang gaan word. En dit is wat ek vermoed besig is om Oupa se sein te bevark.
Die wifi en die radar is interessant. Dit is die eerste keer deur Normis by MikroTik tot my aandag gebring. Ons het 'n link gehad op 5720 MHz wat 90%+ was in een rigting en 60% was in die ander rigting. Ons het gescan en gesnoop tot ons moeg was, maar kon geen verkeer op die frekwensie kry nie. Die seinverlies maak mos nie sin nie. Ek het my buddie Johan van Omnicon gevra om te kom kyk. Hy was gelukkig met my werk, "earthing" en al daai lekker dinge, maar die sein was nog steeds nie reg nie. Ons kon eenvoudig nie die probleem identifiseer nie en stuur toe "supout" lêers na MikroTik toe. Hulle het toe teruggekom met radar interferensie as 'n waarskynlike rede. Die ouens weet meer van hulle produk as ek, so as hulle vir my sê dat radar met my toerusting mors, gaan ek nie met hulle stry nie.
Last edited:
