Hi
Our wifi ISP here in town says it have fibre backed line...so wifi to them and from their fibre to internet.
How do i know its true?
If i ping to a server say 50 with my adsl. What should my ping be if i use their wifi?
Hope someone can give feedback before i make a bad choice.
Regards
Ek sal verstaan as jy nie die ouens op 'n openbare forum wil "name and shame" nie, maar kan jy asb ons ten minste sê waar jy is?
Met jou ADSL vs "wireless" is daar 'n paar veranderlikes.
Eerstens moet jou ADSL teen 'n ding met naam IPC jou besonderhede bekragtig. As jy in Nelspruit sit, sal die IPC in Gauteng sit. Dit sit 'n paar milisekondes bysit. Enigiets van 15 na 30, afhangende van verkeer. Dan is daar weer 'n roete terug vanaf die IPC na die ISP se netwerk. Dit kan wissel van 1 tot 10 ms. Hier is dan ook waar "ISP congestion" vir die eerste keer verskyn. As jou ISP 100Mb IPC koop (IPC is nie goedkoop nie), maar daar loop 200Mb verkeer, sal jou pingtye hoog wees. Van jou ISP se datasentrum gaan die verkeer uit na verskillende netwerke.
Ek is nie hier om oor ADSL te praat nie.
Die wireless ouens het 'n paar opsies. As die ouens die ding reg doen sal hulle wat mens 'n "layer 2" diens hê vanaf hulle "POP" (Point of Presence) in die dorp, tot by 'n data sentrum soos Teraco Rondebosch, Isando of Durban, met hulle rekenaars (servers) wat daar sit en hulle "cross connects" na ouens soos SEACOM, Angola Cables, WACS, Telkom ens vir internet en dan NAPAfrica, JINX, CINX, DINX ens vir "peering" verkeer. Die dae van 'n diensverskaffer wat servers in sy kantoor aanhou is lankal verby. Een Dell 720 server kan jou 'n kwart miljoen Rand uit die sak jaag. Sommige diensverskaffers het 'n half dosyn van die goed. Daardie goed hoort in plekke waar daar konstante, skoon krag is, en waar hulle agter slot en grendel is.
As die diensverkaffers bietjie verneuk het hulle dalk 'n Neobroadband of 'n Bitco of Vox klein besigheid optiese vesel koppeling wat hulle in hulle netwerk inpomp. Dit is eintlik so half en half teenstrydig met die dienskontrakte wat almal "though shalt not resell" klousules inhet.
As hulle lae lakke is, het hulle 'n FTTH op 'n netwerk wat in julle dorp is wat hulle dan in hulle netwerk inpomp. Ons hoofkantoor is in Somerset Wes en ek bly in hierdie dorp. Hier is dit net ons en een ander diensverskaffer wat dit reg doen. Een ander het 'n Neobroadband ding. nog een het 'n Vox diens en die res is 'n spul skurke wat FTTH's by kliënte se wonings insit en dit dan in hulle netwerke intrek.
As jou diensverskaffer se vesel reg is, kan jy baie vinnige pingtye kry vanaf die POP na die speedtest "servers".
Nou kom ons by die verspreiding van daardie vesel diens.
Ons doen "wireless" reg. Maar, vir elke ou wat dit reg doen is daar seker 20 swape wat ons bedryf se naam beswadder. Ons het een stap verder gegaan en oor 'n 10 jaar tydperk vesel na ons torings ingetrek. Die gevolg is dat meer as 90% van ons draadlose kliënte een hop weg is van vesel af.
Die probleem is, om vesel tot by 'n toring te loop is beide duur, en nie kinderspeletjies nie.
Maar, die gevolg is, so lyk wat ek in my huis het, oor 'n punt tot punt draadloos tot by 'n toring wat vesel het.
https://www.speedtest.net/result/8216277047
Soms kan mens nie vesel by 'n toring kry nie. Dan moet die diensverskaffer 'n ordentlike mikrogolf radio gebruik om diens by die toring te kry. Die goed is ook nie goedkoop nie. Gevolgelik, iets wat ons baie sien is dat van die oeuns sommer 'n radio wat mens vir 'n kliënt sou gebruik op 'n punt tot punt koppeling sit tussen torings, of vanaf vesel na 'n toring.
Dit mors met beide jou ping en jou deurset. Daardie radios sit in dieselfde spektrum as wat die diensverskaffer gebruik om kliënte te koppel.
Hoe vind mens uit wat die ouens het en wat hulle doen?
Gaan kuier vir iemand wat hulle diens gebruik.
Gaan dan na hierdie webwerf:
https://bgp.he.net/
Dit sal jou alles oor die diensverskaffer vertel.
Maak seker daar is nie 'n gekonkelry aan die gang nie. Die eerste bladsy van daardie webwerf sal jou IP adres wys. As jy dit in die boks bo op die bladsy intik sal die webwerf jou vertel van die adres blok waarin die adres lê en aan wie die blok eintlik uitgereik is.
As alles reg lyk en die diensverskaffer se naam stem ooreen met wat op HE is, maak 'n draai en vra hulle om jou hulle POP en hulle netwerkuitleg te kom wys.
Ons neem gereeld mense deur ons POPs, sowel as ons data sentrums in die Kaap en in Johannesburg indien hulle vra. Veral onlangs moes ons vir 'n hele paar mense ons kragopwekkers en batterystelsels by torings wys.
As iemand weet wat hy of sy doen, kan daardie persoon jou 'n diens aanbied wat amper net so goed is soos vesel.
Ons het mense wat al 11 jaar draadlose kliënte van ons is, wat elke paar jaar 'n nuwe radio op die dak kry om by te bly met tegnologie en wat nou meer as een vesel netwerk het wat hy hulle hekke verbygaan, maar wat eenvoudig nie belangstel om oor te skakel nie.
Terwyl jy in die ouens se kantore is, vra hulle om jou hulle lisensies te wys. Dit is 'n ICASA vereiste dat die lisensies in die openbaar tentoongestel moet word.
